Aotearoa Tales

Nung una kong napanood yung part 1 nito sa blog ni Chillidobo ay natuwa ako. Mga alas tres ng umaga nun dito at nung pinatugtug ko ito muli ay nagising si esmi na humahagalpak ang tawa. Siguro inabot din kami ng mga 5 mins sa kakatawa.

Ito yung next installment na medyo improved na yung english ni Ken Lee (medyo lang ahahaha). Hope you guys enjoy the vid as well.

Sensya na po sa babasa nito at medyo bastos ang taytol ng post ko ngayon.

Biernes ng gabi, kakatapos ko pa lang bumisita sa mga site na bastos kakatapos ko pa lang magdownload ng patch ng game ay may nakita na akong kakaiba sa computer ko. Bigla na lang akong may nakita na tumatakbo sa dos mode screen at agad namang nag-flag yung antivirus ko.  Dali-dali akong nag-full scan, ayun may nakitang trojan virus.

Ang akala ko ay ayos na ang lahat pero mayamaya lang ay may lumalabas nang mga outgoing messages mula computer ko (maski wala naman akong pinapadala).  Ni-re-reject naman ito nung antivirus ko pero mantakin mo ba namang ilang outgoing messages ang ni-re-ereject na kada minuto.  Aba, paktay na dahil maski ano gawin ko napuno na ng ganitong messages yung screen ko. Para bang nilagyan ng post-it yung buong screen. Ang mga messages pa man din niya ay yung sa viagra at cialis at kung anu-anong bastos na subject taytol.

E di ano pa ang magagawa ko kundi magreformat at re-install ng lahat ng programs ko. Nakakaburat talaga dahil kakainstall ko pa lang ng bagong sistem nung Enero dahil sumemplang yung hard drive ko.  Nakakagigil din dahil hindi tuloy ako makapagblogging (uy blog adik na rin yata ako).

Read the rest of this post »

Masyadong busy ngayon sa trabaho kaya share ko na lang itong picture ng bagong chapter ng Hell’s Angels sa India. Ang source of income daw nila hindi drugs, prostitution or extortion kundi… (you should have guessed it already)…. 5-6. Amoy pa lang, nakakasindak na. 

Kasalukuyang pumapasok ako sa isang IT/market research company dito sa Auckland. Itago na lang natin itong kumpanya ko sa pangalang ”Database Factory.” 

Sa totoo lang wala naman akong tunay na background sa market research except na nagtrabaho ako dati sa isang call centre bilang interviewer. Ito yung tumatawag sa bahay-bahay sa buong NZ para mangulit at makipagtsismisan mag-survey. Saka ko nalang ikwe-kwento itong dati kong trabaho na ito.

Noon nga na nag-exam ako para sa current job ko ay mayroon akong portion na hindi ko nakuha yung tamang sagot, pero na-justify ko naman kung bakit iba ang sagot ko (gumana ang pagkapilosopong pinoy hehehe).

Kino-consider ko na masuwerte ako dito sa current job ko. Una ay varied ang trabaho at hindi paulit-ulit. Dun sa team namin ay matutuwa ka sa iba’t-ibang survey na makikita mo, minsan pa nga ay survey na gawa sa pinas. Dahil dito ay hindi ako nabo-bore sa trabaho at ang bilis lang lumilipas ng working day. Ito marahil ang nagbibigay sigla sa akin maski na minsan sang tambak ang mga database na nakapila. Para sa akin ay importante na nag-e-enjoy ka sa ginagawa mo dahil kung hindi ay magiging routine na lang ang ginagawa mo at mawawala yung focus mo sa trabaho.

Read the rest of this post »

Meron na namang video clip yung mga preso mula sa Cebu Provincial Detention and Rehabilitation Center. Kung na-a-alala niyo sila yung biglang sumikat last year nung sinayaw nila yung “Thriller”. Maganda nga itong naisip nila para sa welfare ng mga preso, ehersisyo na nalilibang pa sila. At pwede din silang mag-aplay na entertainer pag lumaya na.

Paano ba magtrabaho para sa gubyerno? Malaki ba ang diferens kaysa magtrabaho sa pribadong sektor?

Matagal din akong nagtrabaho sa gubyerno, so paano ba ako napunta doon? Aktuali, wala naman akong balak magtrabaho dito sa sektor na ito. Siguro ang una sa aking nagenganyo para pumasok dito ay sa kadahilanang produkto ako ng isang pampublikong unibersidad.  Siguro masasabi nyong medyo “idealist” ako noon at gusto kong magserbisyo sa publiko (peks man, pramis, hope to die) .

Read the rest of this post »

Ay salamat at Biernes na naman! Ito kasing nakaraang buwan na ito ay talagang madugo ang o-trabs dito sa opisina. Nagkataon kasi na may sakit yung isang kasama ko kaya sa akin ang bagsak ng lahat ng trabaho.  Pero nakaraos din naman at medyo matumal ang trabaho ngayong araw na to, kahit na 3pm pa lang dito sa opis ay close shop na ako.

Dahil walang magawa ay pinuntahan ko yung funpic.  Aliw ako dito sa hungarian site na ito dahil parating updated and marami siyang categories. Pero na-intriga ako sa picture na nasa itaas.

Una kong tanong sa sarili ko, “Bakit yung isang ale ay baboy ang bitbit”?  Inisip ko na maari niyang pet ito at ipinasyal lang.  Pero sa pagkakakalong nung babae ay para bang sarili niyang anak yung kalong niya. Dinaig pa si Paris Hilton at ang chihuahua niya!

Ang pangalawang katanungan ay “Bakit nakabihis yung baboy ng pang-baby”? Napabungisngis ako at napaisip na uso din naman sa mga pets na aso at pusa yung binibihisan ng amo nila, so pwede rin siguro sa baboy. At nakabota pa ang hinayupak!

Pangatlong tanong ko sa sarili ko ay “Saan kayang lugar sila naroon”?. Alangan namang sa clinic dahil iba yung doktor ng tao sa hayop. Hindi rin siguro sa mall dahil “no pets allowed” di ba.

Ang panghuli kong tanong sa sarili ko ay “Kung yung babae ay turing baby talaga sa baboy, bine-breastfeed din kaya niya ito pagnagutom ito”? Nakakakilabot isipin kung ganun nga.

Kayo, ano sa tingin ninyo ang istorya sa likod ng larawan na ito? 

Nakayuko kami nung ka-buddy ko at dahan-dahan ang paghakbang papuntang tower ng kalaban. Tahimik pa, hindi pa nila alam na lumulusob kami. Tagaktak ang pawis ko habang hawak ko ang aking baril. Napahinto kami sa nung narinig naming biglang nagputukan dun sa bandang kaliwa namin. Sumenyas sa akin yung ka-buddy ko na tumuloy ulit kami. Ilang metro pa lang ay tumigil ulit kami para siyasatin kung nasaan yung objective namin ngunit sa sukal ng gubat ay wala kaming makita.

Kamalasmalasan ay muntik akong madapa at napahawak ako sa isang maliit na puno na nayugyog sa bigat ko. Ito ang nagpabisto sa posisyon namin at inulan kami ng bala. Daglian kaming dumapa ng kasama ko. Inangat ko ang ulo ko ng bahagya para magreturn fire pero splat - sapul ako sa facemask. Buti na lang yung paintball ay sa maskara lang tumama at hindi sa mukha, pero out of the game ako pansamantala hanggang hindi nakakalog-in and out sa staging base namin.

*******************************************************************************

Read the rest of this post »