May nabasa akong report last year na ito daw Aotearoa* ay 3rd sa buong mundo sa ownership ng vehicles. Una lang ang US at pangalawa ang Saudi. Sa populasyong 4 million kasi, around 82 porsyento ang merong sasakyan dito sa NZ. Lahat na yata ng modelo ng sasakyan meron dito ultimo mamahaling sports cars. Dito naman kasi mayroon nga na public transport - yung bus primarily dito samin sa North Shore. Ang problema, may oras ang public transport hanggang hatinggabi lang. 

Nung baguhan pa ako dito at todo banat ng 2 jobs, yung 1st 9 months ko dito wala pa akong kotse. Ang mahirap lang ang labasan dun sa pangalawang trabaho ay eksakto 12midnight, wala na akong inaabot na bus. Nung una OK lang dahil malapit pa yung bahay kung saan ako nakiki-flatting, mga 30 minutes na lakad oneway. Nung una nakasama ko naman yung landlord ko sa second job kaya may nagpapasakay, pero nung nagresign siya ay no choice. Pero mahirap din gawin pagwinter na, madalas umuulan. Dito necessity talaga yung sasakyan lalo na kung hataw yung iskedyul.

Eto yung ruta ng bus sa hatinggabi na nakita ko kanina lang sa website nila kung halimbawa mula sa dati kong second job papunta dito sa amin ngayon. Tingnan nyo ha walang bus kundi taong naglalakad, may konsuwelo namang approximate time at distance.

Dito naman kasi ay madali makabili ng sasakyan sila pa ang mag-o-offer sayo ng car finance. Siempre mahal pa rin yung mga bago at halos bago. Pero dahil nag-i-import ang NZ ng secondhand vehicles mula Japan at ibang bansa ay mura kang makakabili ng secondhand. Yung mga japanesa car, makakatiempo ka ng mura at yung spare parts nila marami dito. May kakilala ako, nakabili ng roadworthy na kotse sa halagang $500 roughly 15 kitawsan pesos. Konting kutingting at palit ng piyesa kumakaripas na. 

Read the rest of this entry »